Chantars no pot gaire valer,
Si d’ins dal cor no mou lo chans!
Ni chans no pot dal cor mover,
Si no i es fin’ amors coraus .
Per so es mos chantars cabaus
Qu’en joi d’amor ai et enten
La boch’ e.ls olhs e.l cor e.l sen.
Ja Deus no.m don aquel poder
Que d’amor no.m prenda talans.
Si ja re no.n sabi’ aver,
Mas chascun jorn m’en vengues...
E mainh genh se volv e’s vira
Mos talans, e ven e vai,
Lai on mos volers s’atrai.
Lo cors no.n pauza ni fina,
Si.m te conhd’ e gai
Fin’ amors, ab cui m’apai!
No sai com me contenha
Ges amors no.s franh per ira
Ni se fenh per dih savai,
Can es de bo pretz verai.
Qui la te en dissiplina,
Re no sap que.s fai,
Que no cove ni...
En cossirer et en esmai
sui d’un amor que.m lass’e.m te,
que tan no vau ni sai ni lai
qu’ilh ades no.m tenh’ en so fre,
c’ aras m’a dat cor e talen
qu’ eu enqueses, si podia,
tal que, si.l reis l’enqueria,
auria faih gran ardimen.
Ai las, chaitius! e que.m farai?
ni cal cosselh penrai de me?
Qu’ela no sap lo mal qu’eu trai
ni...
Ges de chantar no.m pren talans,
Tan me peza de so que vei,
Que metre.s soli’ om en grans
Com agues pretz, onor e lau,
Mas era no vei ni non au
C’om parle de drudaria,
Per que pretz e cortezia
E solatz torn’ en no-chaler .
Dels baros comensa l’enjans,
C’us no.n ama per bona fei.
Per so.n sec als autres lo dans,
E negus om de...
Lancan folhon bosc e jarric,
E.lh flors pareis e.lh verdura
Pels vergers e pels pratz,
E.lh auzel, c’an estat enic,
Son gai desotz los folhatz,
Autresi.m chant e m’esbaudei
E reflorisc e reverdei
E folh segon ma natura.
Ges d’un’ amor no.m tolh ni.m gic,
Don sui en bon’ aventura
Segon mon esper entratz,
Car sui tengutz per fin...
Lancan vei per mei la landa
dels arbres chazer la fòlha,
ans que.lh frejura s’espanda
ni.l gens termini s’esconda,
m’es bel que si’ auzitz mos chans,
qu’estat n’ aurai mais de dos ans,
e cové que.n fass’ esmenda.
Mout m’es greu que ja reblanda
celeis que vas me s’orgòlha
car si mos cors re.lh demanda,
no.lh platz que mot m’i responda...
Lo gens tems de pascor
Ab la frescha verdor
Nos adui folh' e flor
De diversa color,
Per que tuih amador
Son gai e chantador
Mas eu, que planh e plor,
C'us jois no m'a sabor .
A totz me clam , senhor
De midons e d'Amor,
C'aicist dui traidor,
Car me fiav'en lor,
Me fan viur' a dolor
Per ben e per onor
C'ai faih...
Lo rossinhols s'esbaudeya
Josta la flor el verjan,
E pren m'en tan grans enveya
Qu'eu no posc mudar, no chan!
Mas no sai de que ni de cui,
Car eu non am me ni autrui,
E fatz esfortz, car sai faire
Bo vers, pois no sui amaire.
Mais a d'Amor que domneya
Ab orgolh et ab enjan
Que cel que tot jorn merceya
Ni.s vai trop umilian !...
Lo tems vai e ven e vire
Per jorns, per mes e per ans,
Et eu, las no.n sai que dire,
C'ades es us mos talans.
Ades es us e no.s muda,
C'una.n volh e.n ai volguda,
Don anc non aic jauzimen.
Pois ela no.n pert lo rire,
E me.n ven e dols e dans,
C'a tal joc m'a faih assire
Don ai lo peyor dos tans,
- C'aitals amors es perduda...
Lonc tems a qu’eu no chantei mai
Ni saubi far chaptenemen.
Ara no tem ploya ni ven,
Tan sui entratz en cossire
Com pogues bos motz assire
En est so c’ai apedit.
Si tot no.m vei flor ni folha,
Melhs me vai c’al tems florit,
Car l’amors qu’eu plus volh, me vol.
Totz me desconosc, tan be.m vai!
E s’om saubes en cui m’enten,
Ni...
