ins mals ich ein Jungfrawlein/
mich zu gwern ein täntzelein/
Bittlichen an suchen thet/
welches hat ein stoltze Redt/
Die ubertrifft jr gestalt/
dergleichen noch mannichfalt/
alhier man finden solt.
ächerlich sie mich abwies/
mir den stuel vor die Thür sties/
Wiewol ichs nicht achte viel/
und darumb nicht trawren wil/
Sie dacht sie wers allein/
und wer sonst jrs gleichen kein/
mag wolgefehlet sein.
ch weis andre schöne Bildt/
die nicht sein so Bauer wildt/
Und sich gegn eim guten gselln/
wol ein wenig anders stelln/
Drumb ich solchs acht gar gering/
ja nit einen Pfifferling/
frag ich nach solchen ding.
onsten wo auch das nicht wer/
wolt ich sie ein wenig mehr/
Bittlichen gefeyret han/
und nicht so bald abgelan/
Abr so mag sie jren sitz/
gleich setzen auff des Thurmes spitz/
für solchen stoltzen witz.
ch ich wils erleben noch/
das sie mich soll bitten hoch/
Das ich mit jhr tantzen solt/
welchs sie jensmals nit thun wolt/
Und auslachet mein gebert/
da ich mit dem trunck beschwert/
mir alls zu ergsten kert.
leib nur jmmer wer du seist/
welch ich mein/ du selber weist/
Und hoff/ wirst sie kennen wol/
auch mir nicht viel fehlen soll/
Das du selbst gewest dabey/
da sie mich außwies so frey/
mit stoltzheit mancherley.
iner der das A/ B/ C/
außwendig und noch wol meh/
Darzu schreibn und lesen kan/
nimbt sich des dings nicht viel an/
Ob er gleich ein wenig bückt/
und sich vor ein regen tückt/
dz glück sich bald rumb rückt.
raw dir aber nicht zu viel/
und uberschreit nicht das ziel/
Und thu nicht ein guten geselln/
also stoltz und spöttisch felln/
Es möcht dir mit gleicher mahr/
bald werden vergolten gar/
Ade/ dich Gott bewahr.
[Akrostichon: ELISABET] Aus: Venus Kräntzlein
Mit allerley Lieblichen und schönen Blumen
gezieret unnd gewunden
Oder Newe Weltliche Lieder
mit 5 Stimmen etc.
Von Ian. Hermano Schein
Wittemberg In verlegung Thom. Schürers
ANNO M D C IX [1609]
[ohne Seitennumerierung]