Voardussa isch as stubalô,
Der Himmel wia im Sommer blô.
Der Stork schwimmt stolz dött in der Haih,
Aß wia a Schiff im Bodasai.
Und d Imahösla sind schau’ geal
Von Hasel- und Palmkätzlameahl.
A woicher linder Früahlingsluft
Trait ussam Busch da Veiladuft.
Im Mezastaub springt rum der Bua,
Halbnacket, und er kriagt it gnua –
Gib Acht, daß di der Mez it packt
Und s Schwänzle von deim Hemmat hackt!
Los, im hauha Pappladolder
Haltet hundert Vögel Hous,
Neabada’ im grüana Holder
Machet andre jeabbas ous.
Koi’ Silenzi gilt dô nimma,
Koiner lôht em andra d Aihr,...
S hôt gsturmat und ghouat wohl über d Nacht
Wia s Muatis Heer,
Jetz schneit as uffs Land, as ischt a Pracht,
S purentig Zuckermeer.
Und d Kinderla schlittet und ballet...
I bi’ gebôara’n unter Tannazapfa,
Im Wald duß wôara’n älltäg vola Haz.
Drum bi’n i au wia d Braumbeerkrapfa,
Wia d Hoidelbeera schiar so schwaz.
Hau’ healfa s Väah nous...
Voar Ahla stôht a Linda.
Voar Ahla stôht a Linda,
A Linda mächtig alt,
Zua deanar menger Pilger
In seini Näuta wallt.
Sie birgt im Nascht en Kerker,
Im...
Dô schla doch glei der Donnschtig drei’ und s Gätter,
Jetz hau’n i gmoint, i häb a môl en Schatz
Und kriag von Hairlisboura Annakätter
Beim Holderbusch hehlingeli en Schmatz....
