What ails this heart o’ mine? What ails this watery ee? What gars me a’ turn pale as death When I take leave o’ thee? When thou art far awa’, Thou ’lt dearer grow to me; But change o’ place and change o’ folk May gar thy fancy jee. When I gae out at e’en, Or walk at morning air, Ilk rustling bush will seem to say I used to meet thee there: Then I ’ll sit down and cry, And live aneath the tree, And when a leaf fa’s i’ my lap, I ’ll ca ’t a word frae thee. I ’ll hie me to the bower That thou wi’ roses tied, And where wi’ mony a blushing bud I strove myself to hide. I ’ll doat on ilka spot Where I ha’e been wi’ thee; And ca’ to mind some kindly word By ilka burn and tree.
Collection:
Sub Title:
II. Parting and Absence