Wann wer auf Gottes weiter Welt
Verlassen is, bin i',
I' hab koa Hoamat, hab koa Geld,
Mei' Jugad is bald hi'.
Und sollt i' in der Fremd verderb'n,
So laß mi', Herr, bald sterb'n.
Nur möcht' i' no' amal so gern
Dös kloane Liadl singa hör'n,
Es geht zum Herz'n, klingt so trüab, -
Von der Liab, ja von der Liab.
I' denk an wen, der hat mir oft
Die Händ so herzli' druckt
Und wan i' gar verzagt war schon
So treu in d'Aug'n mir 'guckt.
Du junge, schöne Mensch'nblüah,
Mir zwoa, mir kriag'n uns nia.
Doch möcht' i nur oa'mal no' gern
Dös kloane Liadl singa hör'n,
Es geht zum Herz'n, klingt so trüab, -
Von der Liab, von der Laib.