Sur la louange de la Paix - Sonnet 7

Pour bien contrepoiser d'une juste balance
Et la guerre et la Paix, et clerement sçavoir
Pour laquelle des deux en son pais avoir,
Doibt le plus prier Dieu tout le peuple de France :

Il est bon contempler des Perses la prudence ;
Lesquelz ayans perdu de leur Roy le pouvoir,
Sans loy, sans magistrat, qui à eulx peut pourvoir,
Demeuroient par huict jours souffrans toute insolence :

Afin qu'estant ouverte à liberté la porte,
Le peuple ayant congneu de quoy un Roy importe,
Se feit plus diligent à l'aimer et cherir.

Sus donc peuple François, fais en de mesme sorte,
Et plus tu as senty combien nuit la Paix morte,
Et plus songneusement la garde de mourir.

Collection: 
French
1553
Jean Dorat

More from Poet

  • Sur la louange de la Paix - Sonnet 3

    Ce que force ne peult par main forte parfaire,
    Prudence le parfaict par un sage conseil :
    Qui comme tout le corps est guidé par son oeil,
    Ainsi du corps public doibt conduire l'affaire.

    La guerre et les guerriers en dix ans n'ont sceu faire
    Aians faict trebucher...

  • A messieurs du Conseil

    Prothee tel qu'a feint le vieux poëte Homere
    Qui en plusieurs façons se souloit varier
    Ne s'eust laissé dormant par Atride atraper
    Sans l'advertissement d'Idothe debonnaire.

    Et n'eust du Dieu marin tiré responce vaine
    Pour se pouvoir sauver et les compagnons siens...

  • Sur la louange de la Paix - Sonnet 8

    Pour bien chanter de Paix et dire ses louanges
    Aucun esprit ou voix humaine ne suffit :
    Il nous faut rechanter ce que naissant le Christ,
    Ce tresgrand Roy de Paix, chantoient au ciel les Anges.

    Gloire soit au plus hault par les chans des Archanges
    Au Dieu seul, qui...

  • Sur la louange de la Paix - Sonnet 1

    Celuy est sans parens, sans famille, sans loix,
    (Dit Homere) lequel en son pais desire,
    Discord civil regner, un des discords le pire,
    Horrible à toutes gens, mesmement aux Gaulois.

    Les Gaulois ont senty n'agueres par trois fois,
    Que c'est que de troubler un...

  • Epithalame ou chant nuptial

    Sur le Mariage de tres-illustres Prince et Princesse

    HENRI DE LORRAINE DUC DE GUYSE
    ET
    CATARINE DE CLEVES CONTESSE D'EU.

    A TRES-ILLUSTRES PRINCE ET PRINCESSE ESPOUSEZ.

    Heureux les Rois que Dieu tant favorise,
    Qu'il les eslit pour sa France regir,
    Tels...