Ce grand renom de ton meslé sçavoir
Demonstre bien, que tu es l’excellence
De toute grace exquise pour avoir
Tous dons des Cieulx en pleine jouyssance.
Peu de sçavoir, que tu fais grand nuysance
A mon esprit, qui n’à la promptitude
De mercier les Cieulx pour l’habitude
De celui là, ou les trois Graces prinses
Contentes sont de telle servitude...
Desires-tu savoir à quoi je parangonne
Le fuseau de tes ans ? Au savon blanchissant
Soufflé par un tuyau de paille jaunissant,
Dont un fol enfançon ses compagnons étonne ;
En son lustre plus beau sa gloire l’abandonne,
Au moindre choc de l’air, fragile, se froissant ;
Ainsi devers le soir va la fleur ternissant,
Qui, sur le point du jour vermeillement...
