A sa Sainte

Je fais sepulchre à ton loz de mes vers,
Vers, qu'Amour mesme ha pour nous fait si fors,
Qu'ilz ne craindront de la mort les effors,
Quand nous serons tous deux rongez des vers :

Tant que la vive ame de l'Univers,
Fera tourner la roue des sept corps,
Qui l'harmonie engendrent des accors,
Que font tousjours leurs mouvemens divers :

Le bruit volant de l'un à l'autre pole,
Les portera sus sa puissante espaule,
Pour les faire estre en tous lieux renommez :

Et ton renom, que par escrit je couche
Avec honneur, volera par ma bouche
Non du vulgaire, ains des plus estimez.

Collection: 
French
1555
Guillaume Des Autelz

More from Poet

  • Du merveilleux effet de son amour

    De moy elle a, et d'elle j'ay la vie,
    La vie moy ? mais, las, j'ay la mort d'elle,
    Qui toutesfois auray vengeance telle
    Que par sa mort ma mort sera suyvie :

    L'on diroit bien qu'elle a brulante envie
    De m'estre douce, autant qu'elle est rebelle,
    Car si je ris...

  • Du pouvoir merveilleux et estrange desir de son amour

    J'estois tout seul entier dans mon essence,
    Au paradis de l'amour de moy-mesme,
    Et mon esprit, en ce logis supreme,
    Se reposoit sus ma douce indolence :

    A mon resveil, je vy en ma presence
    Celle moitié de mon tout, que plus j'ayme
    Estre sans moy, cause et...

  • Du nom de sa Sainte, imitation de Pétrarque

    Quand à mes vers je veux matiere élire
    Ma fantaisie au fin commencement
    Du nom, lequel je ly devotement
    DE ce saint nom me commende d'ecrire :

    Mais quand je vien à un peu apres lire
    Elle me chante alors tout autrement,
    N'y touche pas (dit elle) follement,...

  • A sa Sainte

    Je fais sepulchre à ton loz de mes vers,
    Vers, qu'Amour mesme ha pour nous fait si fors,
    Qu'ilz ne craindront de la mort les effors,
    Quand nous serons tous deux rongez des vers :

    Tant que la vive ame de l'Univers,
    Fera tourner la roue des sept corps,
    Qui l'...

  • De la persévérance de son amour

    Ce grand Amour qui au beau de ma dame,
    De mon esprit les yeux va conduisant,
    Est un Soleil, chauld, clair et reluisant
    C'est proprement le Soleil de mon ame,

    Ce beau Soleil de sa tresclaire flamme,
    Me fait tout voir un univers plaisant :
    Mais de son feu...