’s Härzli

’s Härzli

Nächt het mr myn es Härzli, Es goldigs Härzli gschänkt, Und het mr’s ame Schnüerli Ums Blusechrägli ghänkt.

Z’nacht liggi under dr Decki

Und legge ’s Härzli druf, Und mitem Fingernagel Goht’s wine Muschlen uf. Zweu o wie liebi Auge

Händ usegluegt und gsäit:

Guet Nacht! Do hani’s gschmützlet Und’s unders Chüssi gläit. Was het’s mr iez au traumet? Es häig mr’s öpper gnoh.

Gschwind längi under d’Decki:

Gottlob! es isch no do! Iez muesi’s bis am Morge No mängist füreneh: ’S isch halt es härzigs Härzli,

Und myne het mr’s ’geh.