Jà n’est besoing que plus je me soucie

Ià n’est besoing que plus ie me soucie,
Si le iour fault, ou que vienne la nuict,
Nuict hyuernale, & sans Lune obscurcie :
Car tout celà certes riens ne me nuit,
Puis que mon Iour par clarté adoulcie
M’esclaire toute, & tant, qu’a la mynuict
En mon esprit me faict apperceuoir
Ce, que mes yeulx ne sceurent oncques veoir.

Jà n’est besoin que plus je me soucie
Si le jour faut, ou que vienne la nuit,
Nuit hivernale, et sans Lune obscurcie :
Car tout cela certes rien ne me nuit,
Puisque mon Jour par clarté adoucie
M’éclaire toute, et tant, qu’à la minuit
En mon esprit me fait apercevoir
Ce que mes yeux ne surent oncques voir.