My Wife ’s a Winsome Wee Thing
She is a winsome wee thing,
She is a handsome wee thing,
She is a bonnie wee thing,
This sweet wee wife o’ mine.
I never saw a fairer,
I never lo’ed a dearer,
And neist my heart I ’ll wear her,
For fear my jewel tine.
She is a winsome wee thing,
She is a handsome wee thing,
She is a bonnie wee thing,
This sweet wife o’ mine.
The warld’s wrack we share o’t,
The wrastle and the care o’t:
Wi’ her I ’ll blythely bear it,
And think my lot divine.