Vous faites voir des os quand vous riez, Heleine

Sonnet

Vous faites voir des os quand vous riez, Heleine,
Dont les uns sont entiers et ne sont gueres blancs ;
Les autres, des fragmens noirs comme de l'ebene
Et tous, entiers ou non, cariez et tremblans.

Comme dans la gencive ils ne tiennent qu'à peine
Et que vous esclattez à vous rompre les flancs,
Non seulement la toux, mais vostre seule haleine
Peut les mettre à vos pieds, deschaussez et sanglans.

Ne vous meslez donc plus du mestier de rieuse ;
Frequentez les convois et devenez pleureuse :
D'un si fidel avis faites vostre profit.

Mais vous riez encore et vous branlez la teste !
Riez tout vostre soul, riez, vilaine beste :
Pourveu que vous creviez de rire, il me suffit.

Collection: 
French
1635
Paul Scarron

More from Poet

  • A Madame Radigue

    Pour la remercier d'un pot de coins.

    Rondeau redoublé.

    Vostre laquais verd, jaune ou gris,
    Ô Dame toute liberale,
    M'a presenté vostre regalle ;
    C'est pourquoy ce Rondeau j'escris.

    Un matin, ma servante à cale,
    Aussi-tost que les yeux j'ouvris,
    ...

  • Chanson : Nous nous estions promis...

    Nous nous estions promis
    Une Amour eternelle.
    Quel crime ay-je commis
    Pour vous rendre infidelle ?

    Je voy bien que ma mort
    Est toute vostre envie,
    Et qu'un dernier effort
    Vous doit bien-tost, Silvie,
    Deslivrer d'une vie
    Qui vous desplaist si...

  • Chanson à manger

    Quand j'ay bien faim et que je mange
    Et que j'ay bien dequoy choisir,
    Je ressens autant de plaisir
    Qu'en grattant ce qui me demange.
    Cher Amy, tu m'y faits songer :
    Chacun fait des Chansons à boire,
    Et moy, qui n'ay plus rien de bon que la machoire,
    Je n...

  • Chanson : Mes yeux, vous avez veu Cloris...

    Mes yeux, vous avez veu Cloris ;
    Mon coeur, vous songez à ses charmes,
    Vous l'entendez chanter : helas ! vous estes pris ;
    Rendez, rendez les armes,
    Ô mon coeur, ô mes yeux ! c'estoit trop hazarder
    Que de l'entendre et de la regarder.

    Helas ! vous sçavez le...

  • Chanson : Je vous aymois...

    Je vous aymois : vous me l'aviez permis ;
    J'esperois d'estre aymé : vous me l'aviez promis.
    Mais, helas ! belle Iris, je voy bien le contraire ;
    Je n'ose en murmurer
    De peur de vous deplaire ;
    Mais il m'est permis d'expirer,
    S'il m'est ordonné de me taire....