Sur l'oracle de Pan

Sainct Remy qui premier imposa la couronne
Aux Rois Chrestiens François, et vous leur successeur
En son huictiéme mois vous ramenant vainqueur,
L'an huictiéme ensuivant plus grand heur vous ordonne..

Tous nombres sont divins, mais Christ pour sa personne
Le huict s'est reservé : et la Sibylle autheur,
Huict cens octante huict faict en Grec le SAUVEUR,
Comme le nombre et nom qui tout salut nous donne.

Or pour vous faire foy, Sire, de l'an qui vient,
Mesme mois l'an passé (si bien vous en souvient)
Vostre fort fut, VAINCRA l'amour de la patrie.

Si le sept vostre fort si bien vous a conduit
A grand victoire et paix : le salutaire huict
D'UN BEAU LIS couronné verra France fleurie

Collection: 
French
1553
Jean Dorat

More from Poet

  • Sur la louange de la Paix - Sonnet 3

    Ce que force ne peult par main forte parfaire,
    Prudence le parfaict par un sage conseil :
    Qui comme tout le corps est guidé par son oeil,
    Ainsi du corps public doibt conduire l'affaire.

    La guerre et les guerriers en dix ans n'ont sceu faire
    Aians faict trebucher...

  • A messieurs du Conseil

    Prothee tel qu'a feint le vieux poëte Homere
    Qui en plusieurs façons se souloit varier
    Ne s'eust laissé dormant par Atride atraper
    Sans l'advertissement d'Idothe debonnaire.

    Et n'eust du Dieu marin tiré responce vaine
    Pour se pouvoir sauver et les compagnons siens...

  • Sur la louange de la Paix - Sonnet 8

    Pour bien chanter de Paix et dire ses louanges
    Aucun esprit ou voix humaine ne suffit :
    Il nous faut rechanter ce que naissant le Christ,
    Ce tresgrand Roy de Paix, chantoient au ciel les Anges.

    Gloire soit au plus hault par les chans des Archanges
    Au Dieu seul, qui...

  • Sur la louange de la Paix - Sonnet 1

    Celuy est sans parens, sans famille, sans loix,
    (Dit Homere) lequel en son pais desire,
    Discord civil regner, un des discords le pire,
    Horrible à toutes gens, mesmement aux Gaulois.

    Les Gaulois ont senty n'agueres par trois fois,
    Que c'est que de troubler un...

  • Epithalame ou chant nuptial

    Sur le Mariage de tres-illustres Prince et Princesse

    HENRI DE LORRAINE DUC DE GUYSE
    ET
    CATARINE DE CLEVES CONTESSE D'EU.

    A TRES-ILLUSTRES PRINCE ET PRINCESSE ESPOUSEZ.

    Heureux les Rois que Dieu tant favorise,
    Qu'il les eslit pour sa France regir,
    Tels...