Sonnet de Monseigneur le Daulphin

Vous que second la noble France honore,
Pouvez cueillir par ces prez florissans
Oeilletz pour vous seul s'espanouyssans,
Escloz ensemble avec la belle Aurore ;

Pour vostre front le rosier se colore,
Dont les chappeaux si hault lieu cognoissans,
Forment boutons de honte rougissans,
Sçachant que mieulx vous appartient encore.

Ceincte de liz la blanche Galathee
Ses fruictz vous garde, en deux paniers couvertz,
L'un d'olivier, l'aultre de lauriers vertz.

Ainsy chantoit des Nymphes escoutee
La belle Eglé, dont Pan oyant le son
Du grand Henry l'appella la chanson.

Collection: 
French
1523
Mellin de Saint-Gelais

More from Poet

  • A Clement Marot

    D'un seul malheur se peult lamenter celle
    En qui tout l'heur des astres est compris
    C'est (ô Clement) que tu ne fuz espris
    Premier que moy de sa vive estincelle.

    Son nom cogneu par ta veine immortelle,
    Qui les vieux passe, et les nouveaux espritz,
    Apres mil...

  • Voyant ces monts de veue ainsi loingtaine

    Voyant ces monts de veue ainsi lointaine
    Je les compare à mon long desplaisir.
    Haut est leur chef, et hault est mon desir,
    Leur pied est ferme et ma foy est certaine.

    D'eux mainct ruisseau coule et mainte fontaine,
    De mes deux yeulx sortent pleurs à loisir ;
    ...

  • Au Seigneur des Essars N de Herberay

    Traducteur du present livre d'Amadis de Gaule

    Au grand desir, à l'instante requeste
    De tant d'amys dont tu peux disposer,
    Vouldrois tu bien (ô amy) t'opposer
    Par un reffus de chose tres honeste ?

    Chacun te prie et je t'en admoneste,
    Que l'Amadis qu'il t'a...

  • Cheveux d'argent refrangé et retort

    Cheveux d'argent refrangé et retort,
    Espars au tour d'un visaige doré ;
    Frond refroncy qui m'as decolloré
    Me conviant d'aymer mesme la mort
    Te voyant butte et d'amour et de mort ;

    Oeil de pur nacre, oeil qui fuis à grand tort
    Tout oeil cherchant quelque...

  • Epitaphe de Marie Compane femme de Nicolas de Herberay

    Cy gist le corps de la plus heureuse ame
    Qui oncques fut ou soit pour sa beauté,
    Ou pour ses meurs, ou pour sa loyaulté,
    Ou pour avoir esté d'un amy femme.

    Amy qui a or le bruyt et la fame
    D'un vif exemple et seur de fermetté,
    Qui ce corps mort, ce corps tant...