Si d'Amour vient mon gracieux martyre

Si d'Amour vient mon gracieux martyre,
L'effet d'Amour, las ! quoy ? quelle chose est-ce ?
Si bonne elle est, les siens comment oppresse ?
Pourquoy à mal incessamment les tire ?

Si mauvaise est, quell' raison ay je à dire
Doux mon tourment, plaisante ma tristesse ?
Si elle plaist, à quoi plains je sans cesse ?
S'elle deplaist, que m'y vault dueil ou ire ?

O vive mort ! ô mal plaisant à voir !
Comme avez vous sur moy tant de pouvoir,
Puis que voz loix ma volonté n'aprouve ?

O feux jumeaulx ! ô trompeuse esperance !
Vous seulz cousez en moy tant d'inconstance,
Qu'en bien ou mal, content je ne me trouve.

Collection: 
1546

More from Poet

  • Sur le bord d'un beau fleuve Amour avoit tendu
    Un filé d'or tissu d'un excellent ouvraige,
    Et là tout seul assis il sembloit qu'au passage
    Il eust quelque gibier longuement attendu.
    J'estoy franc et dispost, mais trop mal entendu,
    Et mon c?ur s'égayoit, mal cault...

  • Je cherche paix, et ne trouve que guerre,
    Ores j'ay peur, ores je ne crains rien,
    Tantost du mal et tantost j'ay du bien,
    Je vole au ciel et ne bouge de terre.

    Au cueur doubteux l'espérance j'enserre,
    Puis tout à coup je luy romps le lyen,
    Je suis à moy et ne...

  • Tandis que je me promeine
    Parmy cette belle pleine,
    Et qu'en resvant je m'en vois
    Promener parmy ces bois,
    Je sens mon couler dans mon âme
    Un souvenir de ma Dame,
    Qui me faict aussi soubdain
    Faire un tel souhait en vain.

    Pleust au dieu par qui j'...

  • Ce n'est pas moy qui sçait d'une voix feinte,
    Ou d'un semblant traitrement deguisé,
    Feindre mon cueur d'un amour embrasé,
    Pour à tous vents la flamme en estre esteinte.
    Autre'que moy d'une menteuse plainte
    Aura l'honneur des dames abusé,
    Car sois-je pris, ou...

  • Bienheureux est celuy, qui loing de la cité
    Vit librement aux champs dans son propre heritage,
    Et qui conduyt en paix le train de son mesnage,
    Sans rechercher plus loing autre felicité.
    Il ne sçait que veult dire avoir necessité,
    Et n'a point d'autre soing que de...