Helas! m'amour, vous convient il partir
Et eslongnier de moy qui tant vous aim ?
Ce poise moy, s'ainsi est, car sentir
Me convendra, de ce soyez certain,
Trop de griefté jusqu'au retour.
En dueil vivray, en peine et en tristour,
Et me mourray de dueil certainement,
Se demourez loing de moy longuement.
Car vostre est tout mon cuer, sanz repentir...
En plourant a grosses goutes,
Trés triste et pleine de dueil,
Ma vraye amour dessus toutes,
Cil que j'aim, n'autre ne vueil,
Vous di a Dieu a grant peine.
Car trop grant doulour soustient
Mon cuer, qui grief dueil demaine,
Puis que partir vous convient.
Or sont mes joyes desrouptes;
Plus ne chant, si com je sueil;
Des tristes...
Or est venu le trés gracieux moys
De May le gay, ou tant a de doulçours,
Que ces vergiers, ces buissons et ces bois,
Sont tout chargiez de verdure et de flours,
Et toute riens se resjoye.
Parmi ces champs tout flourist et verdoye,
Ne il n'est riens qui n'entroublie esmay
Pour la doulçour du jolis moys de May.
Ces oisillons vont chantant par...
Qui a mal, souvent se plaint;
Car maladie le doit,
Et pour ce sont mi complaint
Doulereux, car chascun voit
Comment tourmentée suis
Pour amer, et ma doulour
Nullement celer ne puis;
Il en pert a ma coulour.
On cognoist bien qui se faint;
Car qui grant griefté reçoipt,
Le visage en a destaint.
Se le cuer est fort destroit,...
Je suis loings de mes amours,
Dont je pleure mainte lerme ;
Mais en espoir prens secours
Que tost revendra le terme
Qu'il m'a mis de retourner.
Ja sont passées trois sepmaines,
Six en devoit sejourner,
Tant ont a durer mes peines.
Tant le desire tousjours
Qu'en suis malade et enferme.
Or venez doncques le cours,
Amis que j'aim...
Se vraye amour est en un cuer fichée
Sanz, varier et sanz nulle faintise,
Certes c'est fort que de legier dechée;
Ainçois adès de plus en plus l'atise
Ardent desir et l'amour qui s'est mise
Dedens le cuer, qui si le fait lier
Qu'il n'en pourroit partir en nulle guise,
Et qui pourroit telle amour oublier ?
Pour moy le scay, qui suis toute sechée...
Pour vous, m'amour desirée,
Ay joye si adirée,
Sanz mentir,
Qu'adès vouldroye sentir
La mort, pour estre tirée
Du mal qui m'a empirée,
Et si ne m'en puis partir.
Ne, pour tost estre curée
La peine qu'ay endurée,
Consentir
Ne me puis ne assentir
A autre amour procurée;
J'en seroye perjurée,
Et si ne m'en puis partir...
From “The Canterbury Pilgrims: The Knightes Tale”
THE BUSY 1 larke, messager of daye,
Salueth in hire song the morwe graye;
And fyry Phebus ryseth up so brighte,
That al the orient laugheth of the lighte,
And with his stremes dryeth in the greves 2
The silver dropes, hongyng on the leeves.
And Arcite, that is in the court ryal
...
