Au feu, au feu qui trestout mon cueur ard

Au feu, au feu qui trestout mon cueur ard
Par un brandon tiré d'ung doulx regard
Tout enflambé d'ardent desir d'amours !
Grace, mercy, confort et bon secours,
Ne me laissez brusler, se Dieu vous gard.

Flambe, chaleur, ardeur par tout s'espart,
Etincelles et fumee s'en part ;
Embrasé suis du feu qui croist tousjours.
Au feu, au feu !

Tirez, boutez, chassez tout a l'escart
Ce dur danger, gettez de toute part
Eaue de pitié, de lermes et de plours.
A l'aide, hélas ! Je n'ay confort d'ailleurs.
Avancez vous, ou vous vendrez* trop tart !
Au feu, au feu !

(*) viendrez

Collection: 
French
1408
Alain Chartier

More from Poet

  • Ballade de l'amie perdue

    Je ne fu nez fors pour tout mal avoir
    Et soustenir les assaulz de Fortune.
    Qu'est ce de bien ? Je ne le puis savoir,
    N'oncques n'en eus ne n'ay joie nesune.
    Je fusse mieulx tout mort cent fois contre une
    Que de vivre si doulereusement.
    Ce que je vueil ne vient...

  • Riche d'espoir et povre d'autre bien

    Riche d'espoir et povre d'autre bien,
    Comblé de dueil et vuidé de liesse,
    Je vous supply, ma loyalle maistresse,
    Ne me tollez ce que je tiens pour mien.

    Si je le pers, je n'auray jamais bien :
    C'est l'espargne de toute ma richesse,
    Riche d'espoir et povre d'...

  • Au feu, au feu qui trestout mon cueur ard

    Au feu, au feu qui trestout mon cueur ard
    Par un brandon tiré d'ung doulx regard
    Tout enflambé d'ardent desir d'amours !
    Grace, mercy, confort et bon secours,
    Ne me laissez brusler, se Dieu vous gard.

    Flambe, chaleur, ardeur par tout s'espart,
    Etincelles et...

  • Près de ma dame et loing de mon vouloir

    Près de ma dame et loing de mon vouloir,
    Plain de desir et crainte tout ensemble,
    Le cueur me fault et le parler me tremble,
    Quant dire doy ce que me fault vouloir.

    Je dis : Belle, vous me faites douloir,
    Mais au besoing crainte mon propos m'emble*
    Pres de ma...

  • Triste plaisir et douloureuse joye

    Triste plaisir et douloureuse joye,
    Aspre doulceur, desconfort ennuieux,
    Ris en plorant, souvenir oublieux
    M'acompaignent, combien que seul je soye.

    Embuchié sont, affin qu'on ne les voye
    Dedans mon cueur, en l'ombre de mes yeux.
    Triste plaisir et amoureuse...