Le figlie di Stefano Bronbo

Stevo Bronbo l’ha tre fie,
Ca son tute ’nnamorà,

A son non tre maravie,
Ma gnanch da canpè ’ntla strà.

Una è bionda, l’autra è bruna,
L’autra del color cafè,
A voria trovè duna
Quaicadun, ch’ai voleis piè.

Son butasse antorn al pare,
Ch’ai sercheissa quaich partì;
I’ha risposi: mie fie care,
Lassè pura fè da mi.

I’è tre giovo, sai dont pieie,
Ca stan tuti tre sul so;
I’ mandreu sotman parleie,
A dican po men che dno

L’han ancor, da lo ch’i sento,
Tuti tre la soa virtù;
Un fa i fus, e l’autr’i pento,
L’autr’è cap di feramiù.

Son andait a visiteie;
D’longh ca son stait avisà,
A l’han fait nen moch goardeie,
A son stane carpionà

Ant el temp da plè na rava
L’han rangià tuti iafè,
I’un la pressa i sbergialava,
I’aitri avia ’l feu darè.

Così tuti ansem a fero.
Le promesse a la volà,

E per testimonj a pièro
Giambatista e Nicolà.
L’andoman a s’ son levasse
Tuti tre sul fè del dì,
A son d’una desgragiasse
E marcià a fesse vestì.
Una del color d’anguilla,
L’autra del color del breu
E la tersa l’han vestita
D’un garnao tra verd e bleu.
Tre dì apres a son sposasse
Chi l’avria mai credù?
E le nosse, ch’a son fasse,
I’han costaie pì d’un scù.
Turni l’ past cola brigada
Dop’aveie tafià pro,
S’artirer a la sfilada,
Sodisfà de coi ragò
Coste nosse e sti mariage
Fait ansem li su doi pè.
L’han fait riè ant col vilage,
Tuti quanti a stranbalè
A l’aviò le livrèe
Del color di fricandò,
E le gent dant le butèe
Tutt surtiò a feie di oh.
L’andoman matin andèro
Sentì messa vers mesdì,
E ni pì ni manch al’ero
Ancor tuit mes’ancutì.

A ventava npò sentie
Sonsonè tut longh dla strà,
Smiava propri un bus d’avie,
O ’n vespè ’ntel bon dl’istà.

A goardè ste maravie
Basta dì, tut’è corù,
Perchè d’cose pì da rie
Gnun avia mai vedù.

M.

Note

↑ figlie.

↑ elle non sono tre meraviglie.

↑ anche non.

↑ gettar.

↑ strada.

↑ subito.

↑ che pigliarle vorria.

↑ si sono buttate.

↑ padre.

↑ che loro cercasse qualche partito.

↑ ci sono tre.

↑ pigliarli.

↑ stanno sul sodo.

↑ sotto mano.

↑ non diranno di no.

↑ fusi.

↑ pettini.

↑ capo de’ ferravecchi.

↑ subitochè.

↑ niente che.

↑ innamorati.

↑ pelar.

↑ hanno arrangiati tutti gli affari.

↑ il fuoco da dietro.

↑ così tutti insieme fecero.

↑ pigliarono.

↑ a farsi vestire.

↑ brodo.

↑ blò.

↑ scudo.

↑ quella brigada.

↑ dopo aver mangiato a crepapancia.

↑ si ritirarono.

↑ ragout.

↑ anzi.

↑ botteghe.

↑ tutti uscirono a far degli oh!!

↑ pien di sonno.

↑ un poco.

↑ rassomigliava.

↑ apette.

↑ nel mezzo della state.

↑ basta dire, tutto è corso.