Amics Bernartz de Ventadorn,
com vos podetz de chant sofrir,
can aissi auzetz esbaudir
lo rossinholet noih e jorn?
Auyatz lo joi que demena!
Tota noih chanta sotz la flor,
melhs s’enten que vos en amor.
Peire, lo dormir e.l sojorn
am mais que.l rossinhol auvir;
ni ja tan no.m sabriatz dir
que mais en la folia torn.
Deu...
Be m’an perdut lai enves Ventadorn
Tuih mei amic, pois ma domna no m’ama!
Et es be dreihz que ja mais lai no torn,
C’ades estai vas me salvatj’ e grama.
Ve.us per que.m fai semblan irat e morn:
Car en s’amor me deleih e.m sojorn
Ni de ren als no.s rancura ni.s clama .
Aissi co.l peis qui s’eslaiss’ el cadorn
E no.n sap mot, tro que s’es pres en...
