Cuer desirrous apaie
Douçours et confors,
Et jou d’amours veraie
Sui en baisant mors.
S’encor ne m’est autres dounez,
Mar fui onques de li privez
A morir sui livrez
Se trop le me delaie.
Privez baisiers est plaie
D’amours dedenz cors;
Mout m’angoisse et esmaie,
Si ne pert dehors.
Ha, las! pour quoi m’en sui vantez,...
Ma joi me semont
De chanter au douz tens;
Et mes cuers li respont
Que droiz est que j'y pens;
Car nule riens el mont
Ne fas seur son deffens;
Dex, quel siecle cil ont
Qui i metent leur sens!
A la joie apartient
D'amer mout finement
Et quant li leus en vient
Li doners largement;
Encor plus i convient:
Parler...
Se savoient mon tourment
Et auques de mon afaire
Cil qui demandent conment
Je puis tant de chançons faire,
Il diroient vraiement
Que nus a chanter n'entent
Qui mieuz s'en deüst retraire;
Maiz pour ce chant seulement
Que je muir pluz doucement.
Trop par me grieze forment
Que cele est si debonaire
Qui tant de dolour me rent...
