Le grand desir du plaisir admirable
Se doit nourrir par vn contentement
De souhaicter chose tant agreable,
Que tout esprit peult rauir doucement.
O que le faict doit estre grandement
Remply de bien, quand pour la grande enuie
On veut mourir, s’on ne l’à promptement :
Mais ce mourir engendre vne autre vie.
Le grand désir du plaisir admirable...
L’heur de mon mal, enflammant le desir,
Feit distiller deux cueurs en vn debuoir :
Dont l’vn est vif pour le doulx desplaisir,
Qui faict que Mort tient l’autre en son pouuoir.
Dieu aueuglé, tu nous as faict auoir
Du bien le mal en effect honnorable :
Fais donc aussi, que nous puissions auoir
En noz espritz contentement durable.
L’heur de mon...
J'estois tout seul entier dans mon essence,
Au paradis de l'amour de moy-mesme,
Et mon esprit, en ce logis supreme,
Se reposoit sus ma douce indolence :
A mon resveil, je vy en ma presence
Celle moitié de mon tout, que plus j'ayme
Estre sans moy, cause et principal theme
De ceste mort, que j'ay par son offense.
Puis que je n'ay donq...
Ou mon desir m'assouvira,
Ou ma tristesse m'occira
Pour vous, belle, prouchainement,
Se mon cueur quiert l'alegement
Du mal que pour vous servir a.
Ung de ces deux me suffira,
N'espoir plus ne me mentira,
Si j'ay de parler hardement,
Ou mon desir m'assouvira.
Tout bien ou tout mal m'en ira,
Car quant vostre bouche dira...
