Amours, il est fol qui te croit,
Ne qui a toy servir s’amuse;
Car qui mieulx te sert plus reçoit
De grans anuis, et sa vie use
A grant meschief qui s’i esluse;
Grant faissel lui fault soutenir,
Je m’en sçay bien a quoy tenir.

Ton bel accueil chascun...

N'en parlez plus, je ne vueil point amer
Sire, pour Dieu vueilliez vous en retraire,
Ne me devez ne hair ne blasmer,
Se je ne vueil a nul en tel cas plaire ;
Helas! pour Dieu, vueilliez vous ent retraire.
Car plus ne vueil telle complainte oïr,
Vous me ferez...

Le messagier de Renommée,
Qui Pegasus est appellé,
Par qui grant parole est semée,
Car ce qu'il scet n'est pas cellé,
Cil vole plus tost qu'une aronde,
Et telles nouvelles raporte,
Souvent qu'il semble que tout fonde,
Et a la fois grant joye aporte....

Mesprendroye vers amours
De faire nouvel ami,
Quant j'ay, sens avoir secours,
Attendu an et demi
Cellui que je tant amoye ?
Bien voy qu'il ne lui souvient
De moy, quant ne vient, n'envoye,
Ne nouvelles ne m'en vient.

Pour lui ay eu mains maulx...

Jamais a moi plus ne s'attende,
Cellui a qui plus ne m'attens,
Puis que vers moy ne vient ne mende.
Attendu l'ay deux ans par temps,
Plus ne m'en quier donner mau temps
Folie m'en feroit douloir,
Puis qu'il m'a mis en nonchaloir,

Au vray corps Dieu le...

Je ne te vueil plus servir,
Amours, a Dieu te comand.
Tu me veulz trop asservir,
Et paier mauvaisement
Pour loier me rends tourment.
C'est fort chose a soustenir
Je ne m'i vueil plus tenir.

Pour ta grace desservi,
Je t'ay servi loiaument,
...

Helas ! helas ! bien puis crier et braire,
Quant j'ay perdu ma mere et ma nourrice,
Qui doulcement me souloit faire taire.
Or n'y a mais ame qui me nourrice,
Ne qui ma faim de son doulz lait garisse.
Jamais de moy nul ne prendra la cure,
Puis qu'ay perdu ma...

Qui vivement veult bien considerer
Ce monde cy ou il n'a joye entiere,
Et les meschiefs qu'il fault y endurer,
Et comment mort vient qui tout met en biere,
Qui bien penser veult sus ceste matiere,
Il trouvera, s'il a quelque grevance,
Que sur toute...

Se de douloureux sentement
Sont tous mes dis, n'est pas merveille,
Car ne peut avoir pensement
Joyeux, cuer qui en dueil traveille.
Car, se je dors ou se je veille,
Si suis je en tristour a toute heure,
Si est fort que joye recueille
Cuer qui en tel...

Aucunes gens ne me finent de dire
Pour quoy je suis si malencolieuse,
Et plus chanter ne me voyent ne rire,
Mais plus simple qu'une religieuse,
Qui estre sueil si gaye et si joyeuse.
Mais a bon droit se je ne chante mais:
Car trop grief dueil est en mon cuer...