Se Fortune a ma mort jurée,
Et du tout tasche a moy destruire,
Ou soye si maleürée,
Qu'il faille qu'en dueil vive et muire,
Que me vault donc pestrir ne cuire,
Tirer, bracier, ne peine traire,
Puis que Fortune m'est contraire?

Pieça de joye m'a tirée,...

Si de Juno, la deesse poissant,
N'est Adonnis bien briefment secouru,
Le fier dieu Mars l'ira trop angoissant.
Es fors lians Vulcans est encoru
Venus l'ama jadis, bien y paru,
Mais ne lui peut adès en riens aidier ;
Il y morra briefment, au mien cuidier....

Aucunes gens mettent entente et cure
A espier, ce que les autres font,
Et d'autruy fait moult parlent, et n'ont cure
De riens celer, et les bons contrefont
Mais envie, qui si les frit et fond,
Les fait parler et de chascun mesdire,
N'il n'est si bon qu'ilz n'...

Avec les preux bien devez estre mis,
Bon chevalier vaillant, plein de proece,
Qui par valeur d'armes avez soubsmis
Maint grant pais et mainte forteresse.
Du preux Hector vous ensuivez l'adrece,
Et de Cesar qui fu sage et vaillant,
Alixandre qui s'ala...

Les roys, les princes et les sages,
Et les preux du temps ancien,
Ilz avoient tout plein d'usages,
Dont l'en ne fait maintenant rien ;
Ilz amoient sur toute rien
Honneur trop plus que convoitise.
Mais adès qui garde le sien,
Il a assez science acquise...

Qui que die le contraire,
On doit loiaulté tenir
En tout quanque l'en veult faire,
Qui veult a grant preu venir ;
Et qui barat maintenir
Veult, a la fin mal lui prent,
Mais fol ne croit jusqu'il prent.

Loiaulté est neccessaire
A qui tent a avenir...

Si comme il est raison que chascun croie
En un seul Dieu, sanz faire aucune doubte,
Qui aux esleus son paradis ottroie
Et les pervers laidement en deboute,
Est il a tous neccessaire
De parvenir au souverain repaire
A la parfin, ou toute riens repose.

...

Nous devons bien, sur tout aultre dommage,
Plaindre cellui du royaume de France,
Qui fut et est le regne et heritage
Des crestiens de plus haulte poissance ;
Mais Dieux le fiert adès de poignant lance,
Par quoy de joye et de soulaz mendie ;
Pour noz pechiez...

Bien nobles est qui en soy a bonté,
Il n’est tresor qui a tel valeur monte,
Et en hault pris bien doit estre monté
Cil qui est bon, et aussi toute honte
Doit bien le mauvais avoir ;
Pour tant, s’il a grant poissance ou avoir,
Ou que si bel soit que riens ne...

De commun cours chascun a trop plus chiers
De Fortune les biens, que de Nature ;
Mais c'est a tort, car ilz sont si legiers
Qu'on n'en devroit a nul fuer avoir cure.
Boëce en fait mension
En son livre de Consolacion,
Qui repreuve de Fortune la gloire ;
...