Dame sanz per, ou tous biens sont assis,
A qui m'amour j'ay trestoute donnee,
Corps gracieux de doulz maintien rassis,
Belle beaulté doulcement atournee,
Que j'aim et craim plus qu'autre chose née,
Apercevez que je n'ose
Parler a vous, ne conter mon martire;...
|
Mon chevalier, mon gracieux servant,
Je sçay de vray que de bon cuer m'amez,
Et de long temps je vois apercevant
L'amoureux mal dont tant vous vous blamez.
Or ne faites plus mate chiere,
Ne vous doulez plus ne jour ne demi,
Car je vous vueil amer d'amour...
|
Chiere dame, certes je ne pourroie
Vous mercier assez souffisamment
Du noble don que vo doulz cuer envoie
A moy, qui suis vostre serf ligement,
De me donner l'amour entierement
De vous que j'aim et desir a servir;
Hé Dieux me doint pouoir du desservir ! ...
|
Dame, oncques mais je ne vous vi
Que maintenant ; mais, sanz mentir,
Mon cuer avez du tout ravi
A tousjours mais, sanz departir.
Si me fauldra mains maulz sentir,
Se m'escondissiez ; ce vous pry.
Dame, pour Dieu, mercy vous cry.
Grandement m'arez...
|
Voulez vous donc que je muire,
Trés belle, pour vous amer ?
Helas ! ou pourray je fuire,
Se vo doulz cuer m'est amer ?
Je ne me pourroye armer
Contre amours qui si m'assault
Que vigueur et cuer me fault.
Pour Dieu ne me vueilliez nuire,
Trés...
|
Vostre beaulté, vo gracieux accueil,
A si mon cuer de vous enamoré,
Dame plaisant, et vo doulz riant oeil,
Que, se je n'ay vostre amour, je morré.
Prochainement, et fremir
Fait tout mon cuer quant vo beaulté remir ;
Tant suis forment de vostre amour espris,...
|
Ma dame, je ne scay que dire
De vous et de vostre maniere ;
Vous me voulez du tout destruire
De moy faire si mate chiere ;
Debouter me voulez arriere
De vous, dont suis desconforté
Ne sçay qu'on vous a raporté.
Riens ne fais qui vous puist souffire,...
|
Helas ! ma dame, il me fault eslogner
De vo beaulté, dont le cuer trop me deult.
Si m'assauldront tous maulz sanz espargnier,
Car plus vous aim que Tristan belle Ysseult,
Belle, ou sont tuit mi ressort.
Or deffauldront mi gracieux deport;
Car vous estes mon...
|
Doulce, dame, a Dieu vous command,
Aler m'en fault, dont il me poise,
Cent fois a vous me recommand,
Et vous suppli, doulce et courtoise,
Ne m'oubliez ou que je voise ;
Et pour retour de ce voiage,
Je vous laisse mon cuer en gage.
- Amis, vostre...
|
Helas ! ma dame, amours le m'a fait dire
Ce que j'ay dit com rude et mal apris ;
Si ay parlé com dolent et plein d'yre.
Mais ne vueilliez, pour Dieu, tourner a pris
Ce que j'ay dit, doulce dame de pris ;
Car je sçay bien qu'ay parlé rudement,
Si vous en cry...
|
|
|
