L’ame, & l’esprit sont pour le corps orner,
Quand le vouloir de l’Eternel nous donne
Sens, & sçauoir pour pouuoir discerner
Le bien du bien, que la raison ordonne.
Par quoy si Dieu de telz biens te guerdonne,
Il m’à donné raison, qui à pouuoir
De bien iuger ton heur, & ton sçauoir.
Ne trouve donc chose si admirable,
Si a bon droict...
Esprit celeste, & des Dieux transformé
En corps mortel transmis en ce bas Monde,
A Apollo peulx estre conformé
Pour la vertu, dont es la source, & l’onde.
Ton eloquence avecques ta faconde,
Et hault sçavoir, auquel tu es appris,
Demonstre assez le bien en toy compris :
Car en doulceur ta plume tant fluante
A merité d’emporter gloire,...
