Ve dico, amice care, pe ’nu poco
’e chi ’int’e vene ’nce teneva ’o fuoco,
’e chi, parlanno ’e Napule, senteva
4’a musica d’o mare ’e suspirà.
Quant’anne so’ passate e, ce penzate,
mo quante e quante cose so’ cagnate,
ma nuie cercammo ancora ’e ’stu [Pueta](/wiki/Autore:Salvatore_Di_Giacomo)
8quacche canzona ca po’ fa sunnà.
E si ’ncuntrate ’a luna a Marechiare
- a stessa luna ca p’e notte chiare
spuntanno ne sentette serenate -
12’e chillo, certo, v’arricurdarrà:
cu Napule teneva appuntamento
’stu Pueta e a sera tutt’argiento
facette ’sti culure ’e chistu mare,
16d’e vicule e d’e strade e’ ’sta città,
cuntaie ’sti Cunte chine ’e nustalgia,
facette ’e ’stu paese ’na poesia,
e ’sti canzone soie vanno ’p’o munno
20facenno ’e nammurate suspirà.
Collection: